స్టార్ మా టీవీలో ప్రసారమవుతున్న సీరియల్ ' ఎటో వెళ్ళిపోయింది మనసు'. ఈ సీరియల్ శుక్రవారం నాటి ఎపిసోడ్ -65 లో.. రామలక్ష్మి డ్రైవ్ ఇస్తూ ఇంటికి రావడం చూసిన పెద్దాయన.. ఏంటిరా నువ్వు ఉండగా నీ భార్యతో డ్రైవ్ చేయిస్తున్నావ్? డ్రైవర్ అనుకున్నావా తను ఈ ఇంటి కోడలు.. నీ భార్య అని పెద్దాయన అంటాడు. మీరు దగ్గరికి జరగండి ఒక ఫోటో తీసుకుంటాను.. అప్పుడప్పుడు మీరు జంటగా ఉన్న ఫోటో చూస్తూ మురిసిపోతానంటు పెద్దాయన అని ఇద్దరిని ఒక ఫోటో తీస్తాడు. ఎంత బాగున్నారో.. ఎప్పుడు ఇలాగే కలిసి ఉండాలని వారిద్దరితో పెద్దాయన అంటాడు.

ఆ తర్వాత రామలక్ష్మి గదిలో కూర్చొని సిరి అన్న మాటలు, ధన అన్న మాటలు గుర్తుకుచేసుకొని బాధపడుతుంది. అప్పుడే సీతాకాంత్ వచ్చి.. మళ్ళీ దేని గురించి బాధపడుతున్నావని అడుగుతాడు. అసలు నా కళ్ల ముందు జరిగేదంతా కల లాగే ఉందంటూ బాధపడుతుంటే.. సీతాకాంత్ ఆమె బాధను పోగొట్టి కూల్ చేస్తాడు.. మీరు నాకు ప్రొద్దున కాఫీ తీసుకొని వచ్చారు కదా.. నేను ఇప్పుడు మీకు తీసుకొని వస్తానని రామలక్ష్మి అనగానే‌.. నీ చేతి కాఫీ తాగే అదృష్టం నాకు ఇసున్నావన్న మాట అని సీతాకాంత్ అంటాడు. ఆ తర్వాత రామలక్ష్మి కిచెన్ లోకి వెళ్తుంది. ఎంత పెద్దగా వుంది కిచెన్ అని ఆశ్చర్యంగా చూస్తుంది. పని మనిషిని ఎక్కడ ఏం ఉన్నాయో కనుక్కొని కాఫీ చేసుకొని తీసుకొని వెళ్తుంటే.. అప్పుడే రామలక్ష్మి కిందపడబోతుంది. అప్పుడే సీతాకాంత్ వచ్చి పట్టుకుంటాడు. ఎత్తుకొని వెళ్లి హాల్లో కూర్చొపెడతాడు. అందరు ఆశ్చర్యంగా చూస్తారు. కాలు బెనికిందని సీతాకాంత్ హడావిడి చేస్తాడు. స్వయంగా సీతాకాంత్ రామలక్ష్మి కాలుకి స్ప్రే కొడుతూ చిన్నపాటి చికిత్సలగా చేస్తాడు. ఆ తర్వాత రామలక్ష్మిని సిరి, సీతాకాంత్ కలిసి గదిలోకి తీసుకొని వెళ్తారు.

మరోవైపు శ్రీలత, సందీప్ మాట్లాడుకుంటారు. ఏంటి వీళ్ళు నిజంగానే పెళ్లి చేసుకున్నారనిపిస్తుందని శ్రీలతతో సందీప్ అనగానే.. చేసుకున్నది లేనిది రేపు తెలుస్తుందని శ్రీలత అంటుంది. ఆ తర్వాత రామలక్ష్మి దగ్గరికి సీతాకాంత్ వచ్చి.. ఎలా ఉందని అడుగుతాడు. మీరు ఎందుకు అంత టెన్షన్ పడుతున్నారని రామలక్ష్మి అడుగుతుంది. నా మనసులో నీపై ప్రేమని ఎలా చెప్పాలని సీతాకాంత్ తన మనసులో అనుకుంటాడు. అంటే మీ తమ్ముడు పెళ్లి ఉంది కదా అందుకోసమని సీతాకాంత్ కవర్ చేస్తాడు. మా కోసం మీరు ఇష్టం లేకుండా పెళ్లి చేసుకున్నారు.. మిమ్మల్ని ఒక్కటి చేయాలని సిరి అనుకుంటుంది. అప్పుడే సిరి టిఫిన్ తీసుకొని వెళ్లి.. వదినకి తినిపించు అన్నయ్య అని సీతాకాంత్ తో అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.